اقلاع فاشن التسجيل التحكم اتصل بنا
فيسبوك تويتر يوتيوب قوقل بلص انستقرام مركز تحميل سوق اقلاع


تم إغلاق أقسام الأزيــــــــاء مؤقتاً

العودة   أخر صيحات الموضه وصور المشاهير - إقلاع فاشن > سوق الاقلاع > عطورات ماركات وادوات تجمييل

Tags H1 to H6

أخر صيحات الموضه وصور المشاهير - إقلاع فاشن

الحواجب

الحواجب
تابعونا عبر تويتر تابعونا عبر فيس بوك

الحواجب

مسـآء صباح السعــآده للكل الموضوع بتكلم بالتفصيل عن الحواجب .. مابنحكي كيف نشقر ولا احسن منتج إلخ لأن مو هذا المهم .. المهم على اي اساس بنرسم ونشقر ونعدل !!

إضافة رد
 
أدوات الموضوع انواع عرض الموضوع
قديم 2011-07-01   #1 (permalink)





الحواجب 2hfl6xc.jpg


مسـآء صباح السعــآده للكل
الموضوع
بتكلم بالتفصيل عن الحواجب .. مابنحكي كيف نشقر ولا احسن منتج إلخ
لأن مو هذا المهم .. المهم على اي اساس بنرسم ونشقر ونعدل !!
شكل الحاجب وهل يناسب تقاسيم وجهك أو لأ .. هاذي الحكايه ولب الموضوع
أهميتهم ثوريه في عالم الجمال
ومع كذا ماشوف إلا تعتيم إعلامي عليه
و الكلام عنه قليل إذا ماكان نادر
بالذات من خبراء التجميل والبرامج الخاصه بالتجميل
كثير جداً يعانون من هالموضوع بالذات اللي ماعندهم حس فني
فيحتاجون يد خبيره تساعدهم وهذا للأسف مو متوفر حتى في أفخم الصالونات هنا
إما تنتظرك أنتي تحددين لها الرسمه وهي تطبقها أو ترسم لك اللي متعوده عليه وتضبطه بغض النظر عن تناسبك أو لأ
تأثير الحواجب على الوجه خطير خطير

ممكن يخلي وجهك دب بزياده كأنك محتاجه تنحفين
ممكن يخلي انفك عريض وبارز
ممكن يخلي عيونك جاحظه
ممكن يلفت الإنتباه لأسوأ عيوب وجهك على الإطلاق
ممكن يصغر جبهتك ويطول وجهك
وممن يعطي إحساس ان جفونك مترهله أو كبيره فالسن
وعشرات التأثيرات اللي تعتبر تأثيرات بصريه ثلاثية الأبعاد
ممكن أنفك يبان بشع جداً وممكن يتحول لأنف نعوم ورقيق من رسمة حاجب للثانيه
والصور بعد شوي بتثبت لكم






مارآح استعرض لكم صور حواجب بشعه او ناس نص لفه من النت
أخترت لكم مجموعه كبيره من صور مشاهير العالم من الشرق والغرب
عشان أوصل المعلومه بطريقه واضحه مو نظريه لأنهم ع الأغلب
رسموا حواجبهم بيد خبراء ومتخصصين ولكل إنسان نظرته بكل الأحوال
...
وإختلاف وجهات النظر لايفسد للود قضيه
والجمال ومقاييسه أذواق تختلف من شخص للثاني




ببدأ بالمقاييس العامه للحواجب اللي بتلاقونها فأول صفحه من قوقل لو بحثتوا عن أنسب رسمة حواجب

الحواجب 2v10u90.jpg

الخطوط الحمراء تدلكم وين لازم يبدأ الحاجب وين لازم ينتهي

الحواجب o9lb1w.jpg

الخط رقم 2 هنا .. يدلكم وين لازم يكون مكان زاوية الحاجب في حال كان فيه زاويه

الحواجب 2je60oz.jpg

وهنا خطوط أكثر دقه لمكان الحاجب وحجمه المثالي بالنسبه لوجهك
وكمان مو فالحسبان الحاجب اللي ع الموضوه .. أو تفاصيل دقيقه ثانيه زي الي بنحكي عنها












brb




المواضيع المتشابهه:


hgp,h[f hgp,h]e






  رد مع اقتباس
قديم 2011-07-01   #2 (permalink)

افتراضي








هنا بنحكي عن شوية أشياء عامه وبسيطه .. وشوي شوي نبدا ندخل بالتفاصيل
وتترتب أفكاركم






إبعدي عن الحواجب اللي تعطي وجهك تعبير معين !! ( دائم )






من اليسار

الأولى : رسمة حواجبها تعطي تعبير عن حاله شعوريه ..
مو منطقي تكون ملازمه للوجه 24 \24
لدرجة انك حتى لو كنتي حزينه ماعاد يفرق
لازم يكون شكلهم طبيعي وموقعهم فوق العيون طبيعي
بحيث انو تقدرين توصلين اي تعبير في داخلك
بدون مايتداخل معه تعابير ثانيه سببها حواجبك

الثانيه : رسمة حواجبها تعطي الوجه تعبير يفترض يكون تعبير عضلي للوجه يعبر عن حاله شعوريه معينه ..
لكن يعبر عنها بعضلة الحاجب مو شعر الحاجب
ويفترض يكون لمدة زمنيه قصيره ..
مو نصحى وونام وعلى وجهنا نفس التعبير
اللي ماتدرين صاحبه وش يبي


الثالثه : هذا التعبير أسميه التعبير الأبله ..
مو سيء كـ شكل أو كـ رسمة حاجب
لكن المشكله ان الوجه مو لوحه ..
ومو مطلوب منه يكون جمال صامت
لأنه اكبر آداه في الجسم تعبر عن المشاعر وتتواصل مع العالم
أبداً ماينفع نستخدم شكل الحاجب اللي تكونه العضلا ت
في التعبير عن حاله معينه ونرسم الحاجب على اساسها وتصير حاله شعوريه دائمه


الرابعه : هذا اللوك كثير ناس تحبه اللوك النمري اللوك المتوحش
لوك ينفع عشان توصلين فكره معينه .. ممكن فنانه في فيديو كليب
شخصيه تاريخيه قويه .. شي من هالقبيل بس انسانه حقيقيه يكون هذا لوكها أحسه زي الماسك على الشخصيه الحقيقيه ... ومو حلو ع المدى الطويل
اللي اتذكرهم يسوونه دايما رنا الأبيض .. نورمان أسعد .. لفتره شمس وكمان يارا أول مشوارها كان هذا اللوك اللي تتبعته بعدين راحت لجو النعومه بقوه



تنحيف الحواجب تتخيلين يحسسك بالنظافه والنعومه والترتيب يطيحك في مطب مرتب

دايما الشعر سواء في فروة الراس او في الحواجب او في الرموش دليل شباب وحيويه والعكس صحيح مهما كانت صاحبته جميله والصور بتوريكم الفرق



ع اليمين كثير طالعه كبيره فالعمر اعطيها فوق 33 بالراحه
كمان معطي النظره نوع من الجمود وملامح الوجه ككل مافيها شي يجذبك تطالعينه
بينما ع اليسار أختلفت الصوره تماما
نظرة العيون صارت لطيفه .. وتقاسيم الوجه فيها شي ممكن تطالعينه
كل هذا لأنها كثفت حواجبها شوي
تحسين يسوي تناسق في الألوان وتدرجها في الوجه





مابين اليمين واليسار فرق عمر مو أقل من عشر سنوات
تأثير الحواجب واضح على رسمة العين ورسمة الوجه وحتى تعبير الوجه نفسه
حتى لون البشره بين الصورتين مره كان نعمه ومره كان نقمه
الحواجب الرفيعه اعطت احساس ان البشره دهنيه وتعبانه ولونها مو محبب مره
أما فاليسار التناقض بين لون الحاجب والبشره أوحى بالشباب والنضاره والصفاء



الصوره تنطق مو محتاجه كلام
لما عرضت الحاجب .. صار شكلها رآقي بشكل
عظام وجهها حاده ووجهها مساحته كبيره .. يحتاج حاجب عريض يسوي توازن للملامح
اما الصوره بالحاجب الرفيه تحسين حتى وزنها زايد والمسافه مابين العين والحاجب كانت بزياده



دمآر شامل .. الحاجب الرفيع أظهر بشاعة أنفها بشكل غريب وخلق الله حسن
وبعد ماعرضت الحاجب تحسيت أبعدت الإنتباه عن الأنف وأبرزت جمال الجفن اللي خربته بترفيع الحاجب من المنطقه الأماميه




أول حاجه تلاحظونها تـاثير الحاجب على الخد
فالصوره الاولى تحسينها شدوق مو خدود واحتمال كبير يبغالها شفط
أما الثانيه طالعه بنوتيه وخدودها تزنن
وحتى عيونها فالحاجب الرفيه طالعه كأنها مرهقه .. أما بالحاجب العريض طالعه نظرتها نعومه وجذابه



ملا تغيير على قولة اللبنانيه

أتكلم عن الأنف اللي كان منقار وصار سلة سيف بسبب الحواجب
ولا أتكلم عن الجفون المترهله اللي صارت ناعسه بسبب الحواجب
أحييها صراحه على هالتغيير


أول تأثير تلاحظونه ... أن الأنف كان حااااااد جدا وصار جميل جدا



بعد هالمجموعه أتمنى تكونوا استوعبتوا الدرس الثاني
لا للحواجب الرفيعه

إما بتخلي حجم وجهك كبير .. كبيره فالعمر .. ملامحك خشنه أو حاده
وتبرز أصغر عيوب وجهك







brb








  رد مع اقتباس
قديم 2011-07-01   #3 (permalink)

افتراضي



لون الحاجب والشعر !!!

التناسق بين لون الحاجب ولون الشعر مره مهم ويخلي الطله أشيك وأرقى
كل الدرجات مابين الأسود والأشقر الغامق ممكن تكون الحواجب مطالبقه لها تماما
إلا الأسود الحالك .. يفضل يوقف تغميق الحواجب عند الرمادي الغامق وبنشوف الصور
أما الأشقر الفاتح ودرجاته يفضل يوقف تفتيح الحاجب عند الأشقر الغامق




من اليمين تلاحظون الشعر مطابق للحواجب تماما وهالشي يخلي لون شعرك يبان كأنه طبيعي مو مصبوغ .. اما آخر صوره عاليسار وقف تفتيح الحواجب عند الأشقر الغامق
والكل طالع شكله ستايلش ومرتب مره




مااظن راح نفهم أكثر منهم إستشاره مجانيه من الخبراء + عينه كـ تطبيق



هاذي أفتح درجه ممكن توصل لها الحواجب ومن بعدها يبدأ تفتيح الشعر بس



هنا أخطاء لاتغتفر .. لجين شعرها أسود وحواجبها بني حتى مو غامق .. بني محمر
واللي بعدها حواجب سودا وشعر أشقر !!
ماظن ممكن يلفتك فهالأثنين جمال الشعر او جمال الحاجب اللي راح يلفتك على طول
التناقض بين الألوان وبعدها تمشين


brb







  رد مع اقتباس
قديم 2011-07-01   #4 (permalink)

افتراضي





لاترسمين حواجبك بحده من الأمام



80% من البنات اذا مو اكثر يسوون حواجبهم من قدام على شكل مربع



شوفوا معاي هالصور .. اذا ملامحك كبيره او بارزه أو فيها خشونه
تكونين قتلتي بصيص الأمل انو شكلك يصير انثوي من خلال هالمربع

هو حلو على ناس معينه بس الناس هاذي قلييييله وكمان يحتاج ستايل شكل معين
يعني ملامحك على حواجبك على تسريحة شعرك لازم يكون في بينها صله معينه تكمل الستايل

اما الصور السابقه ممكن تكون فعلا رسمه متقنه ومكياج متقن كـ رسم وحرفيه
بس أنتي وينك من كل هالشي .. وين نظرتك وملامحك الخاصه وتفاصيلك كإنسانه
لازم يكون فيك شي غير عن الكل وبفقره ثانيه حنتكلم عن هالشي بالتفصيل






شوفوا معاي هنا .. تقريبا نفس نوعية الملامح اللي فوق .. تتنوع مابين الكبيره والبارزه الخ
لكن كل وحده احتفظت ببداية الحاجب الطبيعيه وكملت وعدلت الباقي فقط وكلهم طالعين كيوت وفيهم انوثه مره ومحتفظين بستايل شخصي








صححي العيب قبل تفكرين كيف تعدلين الرسمه او تغيرينها عشان توضح الصوره قدامك




ع اليسار شايفين كيف الحواجب بعيييييده ... تحسون كأن نظرتها مشتته

وع اليسار بعد التصحيح .. من هنا تقدر حضرتها تبدأ تشوف وش تبغى تسوي بعد كتجميل



وهنا كمان نظرات بلهاء المسافه بين الحاجبين كبيرررررررررررره
كان المفروض تعدل المسافه مابينهم بعدين ترسم الحاجب وتتفنن


هنا الحواجب طبيعيه جايه واحد تشاينيز واحد فيه كسره
لازم تسوي قرعه وترسم واحد منهم كربون من الثاني

brb








  رد مع اقتباس
قديم 2011-07-01   #5 (permalink)

افتراضي





خلصنا من المباديء اللي مافي مجال تطنشونها
ونجي لشوية نصائح بخصوص شكل الحواجب


إبعدي عن الحواجب اللي مالها هيئه محدده




كل الحواجب اللي فالصور فاشله ..لأن مالها شكل واضح لاهي مقوسه ولا تشاينيز ولا ثمانيه ولا شكل طبيعي بنفس الوقت .. وتبان مشكلتها اكثر لما تعابير الوجه تتغير
لأن الرسمات هاذي كلها مو متبعين فيها مسار عضلات الحاجب
عشان كذا لما يتحرك الوجه تحسين اما فيها قصور عن التعبير او يصير فيها انحناءات غبيه زي حاجب نانسي .. يعني العذر الوحيد انه الحاجب تكون رسمته غريبه هو انه يكون نبات الشعر الطبيعي للحاجب زي كذا .. اما انه يكون مرسوم بقلم وفيه هالأشياء غلط بقوه


من اليمين

غاده : تشاينيز في نهايته مثلث اش الفكره منو ما أدري
اللي بعدها : لو تغاضينها عن انو الحاجب رفيع ومو مناسب حتى لحجم العين
مافي أمل امشي لها رسمته الغبيه شوي مستقيم وشوي مقوس
حليمه : خط متعرج .. في اشاعات انو تشاينيز
بس النص الثاني بس مقسوم من النص ومرسوم فوق







حواجبك الطبيعيه معقول حجمها وكثافتها !! ... نيالك

حواجبك الطبيعيه مرتبه ! قولي الحمد لله ولايغرك بريق الحواجب المرسومه بقلم وفرشه
مافي احلا من الطبيعيه .. جمال مابعده جمال



إذا حاجبك الطبيعي كثيف الشعر ورسمته الطبيعيه مرتبه وش تبغين احلا من كذا
لايغرك التشاينيز وتروحين تشقرين نص الحاجب وترسمين خط ثاني مرتفع
او تعدلين اي تعديل محتاج شغل كل غسله وكل مره
احتفظي بالطبيعي .. يكفي انك ماتطلعين من الشور بنص حاجب وماتصحين من النوم وحاجبك مطبوع ع الوساده ووجهك أصلع أحرصي دايما تثبتين في شكلك وستايلك الشي اللي مريح التعامل معه .. لأن احنا بالنهايه مو نجوم شاشه ولا كل يوم والثاني صورنا فالمجلات
وش الفايده من انه فالمناسبات يكون حاجبك حلو او في ساعات الدوام بس وباقي الوقت تقرفين اهلك بمنظرك بنص حاجب وكمان تتعب نفسيتك كل ماناظرتيها فالمرآيه
ترى صور مشاهير العالم تتعب نفسيا مع الوقت لان هم حياتهم هي هالصور
لكن احنا حياتنا نظرتك انتي لنفسك ونظرة القريبين منك زي زوجك واهلك
بليز فكروا كثير في هالنقطه




شوفي كيف حلوه ورقيقه ومريحه للنفس .. مع انو ممكن لو غيروا ورسموا بيطلع شكلهم وآو
بس الثمن هو انهم بيحتاجون يرسمون كل مره وينظفون شعر الرسمه الطبيعيه كل مره وممكن كمان تاتو ... رغم ان اشكالهم مره حلوه كذا



تصدقون اني صرت أفتقد لمنظر الحاجب اللي فيه شعر
كل العالم حواجبهم ملونه تلوين بفلوماستر مافي اي أثر لجذور الشعر الطبيعيه
وياليتهم يرسمونها متقنه كان نوص مصيبه
شوفوا هاذي الصور كيف جميله ورقيقه






ماأختلفنا أحلا شي تكون الحواجب طبيعيه .. بس إذا خفيفه عبيها !!!



الطبيعي مره حلو .. بس اذا الحاجب باهت وشعره خفيف .. عبيه بيطلع اجمل

علا هنا قبل تعبينه الحاجب رايح نص جمالها وبعد الرسم تشبه فرس عربيه




فرق السما عن الأرض قبل التعبيه وبعدها حتى لون العين والبشره بان اكثر




مافيه جاذبيه وهو باهت بس مع التعبيه الصح مره يصير الفيس جميل



تعبيه طبيعيه .. وحواجب مره لطيفه



كلهم محتاجين شوية تعبيه للفراغات وتطلع بيرفكت







غلــط غلــط غلــط غلــط غلــط

أدري ان الصبغه السودا أسهل شي يمسك ع الجلد ويريحك من تكرار الصبغه بعد ثلاث ايام بالكثير
وعارفه ان الاقلام الغامقه تجذبك وتحسين لونها بيكون باين ومحدد وواضح ومريح
بس نادر يصير ناجح صدقوني
يعطي الملامح قسوه مو طبيعيه .. ويطفي بريق العيون .. شوفوا هالصور





أعتقد مافي مقارنه بين الصور اللي فوق واللي تحت لنفس الاشخاص
الحواجب برواز الملامح صح؟
لازم تعرفين ان اي ديفوهات بسيطه فالوجه ..لما تكون حواجبك غامقه تصير العيوب هاذي كأنو حاطه عليها مكبر

من اليمين




الاولى : اول تأثير انو مكياجها اللي يعتبر مميز وتسويه دايما .. مع الحاجب الاسود طلع قروي
بمعنى انو الحاجب الغامق يناسبه الوان محدده من الميك اب بالذات للعيون وإلا يتحول المنظر لبلدي مره
الشي الثاني انو على طول تنتبهين انو انفها عريض شويه ومو مرتب من الأطراف


الثانيه :
سيرين احس الحواجب الغامقه غيرت حتى شخصيتها .. نظراتها عاكسه اللون الغامق وطالعه كأنو انسانه مو مريحه

الثالثه : ما اقدر اشوف ولا ذرة انوثه او حتى قبول وفوق كذا كبرها فالعمر عشر سنين فوق عمرها .. وبزياده انو العدسات فاتحه مسويه كونتراست ابدا مو محبب





حواجب تقوم مقام الشنبات .. باللون والرسمه وقوة التلوين
شنق للأنوثه





من اليمين




الأولى : بلاش الحاجب الــ x l .. من اول لحظه تحسين في اختلال فمقاييس الوجه ..
الحاجب لازم يبرز العين .. يعني لازم تناظرين العين قبل الحاجب ..
مو تناظرين الحاجب قبل الشخص نفسه


الثانيه : يجيك رغبه على طول تشيلين الحاجب بيدك وتقدمينه قدام ليش ؟
لأن كسرة الحاجب اذا بتكون موجوده لازم تكون بعد بؤبؤ العين بـ 2 ملم تقريبا مو 2 سم
ا

لثالثه + الرابعه :
مغيرين مكان الحاجب الأصلي تماما لدرجة ان مكانه صاير زي الندبه
مكان الحاجب ممكن يتعدل ويترتب بس مو لهالدرجه .. لنفس السبب اللي تكلمنا عنه
ممكن يكون حلو لكن وانتي ساكته وجامده لكن مع اول تعبير للوجه تحسين في شي غلط لان الجلد تحت الحاجب يتحرك والحاجب ثابت .. واذا تحرك بيصير متعرج فقط




brb









  رد مع اقتباس
قديم 2011-07-01   #6 (permalink)

افتراضي






البنوته الحلوه هاذي .. اتبعت كثير من القواعد الصحيحه
لون الحاجب والشعر واحد
ماغيرت مكان الحاجب الاصلي كثير
حجم الحاجب مناسب للعين
مو رفيع زياده ولا عريض زياده
بس برضو مو ناجح ليش ؟؟
لأن في اعتبارات ثانيه .. تكون شخصيه تنطبق عليك اولا !
اذا شعر حواجبك خشن .. أصعب شي انك تفتحينه


أولا: لان التفتيح يخشن الحاجب الناعم .. فكيف لما يكون خشن اصلا !


ثانيا شعر الحاجب الثقيل يكون حار بمعنى تطلع جذوره بسعره وماحس انه شي يستاهل تعبه انك كل يومين والثالث تفتحين جذور شعر الحاجب لان البشره في هالمنطقه تنهري مع الوقت تترهل وتبان مرهقه ماتطلع مشرقه ونضره


ثالثا : الملامح كمان لها دور كبير جدا جدا ..


ممكن بشرتك تكون لايق عليها صبغه معينه .. لكن ملامحك لأ !


والعكس صحيح .. تعرفون كيف لما نقول عن 2 بيض وصابغين اشقر فاتح


عن وحده انها طالعه كأنو مصريه مع احترامي الشديد لكل الكوكب بس انا اقصد من ناحية خشونه الملامح وبروزها ... وعن وحده ثانه وآو طالعه اوروبيه مع انه نفس لون البشره ! هنا المشكله .. القواعد الاساسيه قليله لكن يندرج تحت كل واحد منها اشياء كثير .. بس عادي بتتعبين مره مرتين وبعدها توصلين لاكثر من ستايل يناسبك وتغيرين فيهم من فتره لفتره


ماتوقع تحبين تسمعين تعليق زي حلو هذا الشي .. بس مو عليها لانك تبغين الحاجب يبرز جمالك مو انتي اللي تعرضينه على حساب نفسك







الرسمه الأولى من اليمين الأساسيه .. والثانيه والثالثه رسمتهم أنا بالفوتوشوب
وش تلاحظون ؟
انها ماراعت مشاكل منطقة الحاجب عندها اصلا
اول مشكله
عندها اختلاف فاللون مابين لون الجفن ولون الجلد تحت الشعر اللي بتشقره او مهما كانت الطريقه مو موضوعنا ... وبكذا
اما بتحتاج كونسيلر طول الوقت
او بتبقى واضحه المشكله
والموضه الحين انك تحاولين تعدلين بشكل طبيعي قدر الإمكان
ماعاد كثير رائج المنظر الـ fake وانتوا يبان انك تعبانه على نفسك عشان تطلعين بهاللوك
اش سوينا بعد التعديل
غيرنا مكان الرسمه اصلا ع الجلد بحيث تكون جايه من منتصف المنطقه اللي فيها المشكله
وتخفي اكبر قدر منها بحيث تقل المساحه اللي باين فيها اختلاف لون البشره قدر الإمكان
وكمان رفعنا طرف الحاجب عشان نعطي احساس ان المنطقه مشدوده
اذا طرف الحاجب نازل اي ترهل بسيط فالجفن يبان ويعطي عمر اكبر
اوقات مايكون ترهل فعلا بسبب عامل السن لكن رسمة الوجه تكون كذا
اوقات اشوف بنات فالثانوي وملامحهم تعطي سن كبير سبحان الله وحواجبهم نازله تحت مع ترهل بسيط فالجلد فيحتاجون تعديلات جماليه بسيطه تحل المشكله


إذا كان كسر القاعده يعطي مظهر أفضل ليش لأ ؟





اغلب اللي عندهم عظمة حاجب وكسرة عين زي هند يميلون لإبرازها بشكل كامل ..بما انها شي جميل
لكن هنا .. بطبيعة ملامحها ونظراتها .. وجهها يعطي عمر اكبر.. نظراتها مافيها حياه .. هاديه مره وملامحها فيها جمود .. فلو كان همهم الوحيد يبرزون العظمه .. بيعطونها سنوات فوق عمرها
لان نظراتها مره كسوله ..

ورسم الحاجب بهاذي الطريقه حول النظرات من كبيره فالسن الى رومانسيه بشكل كبير
واستغنوا عن بروز عظمة الحاجب كامل .. رغم انها تخلي الميك اب رووووعه
فهنا كان إخفاء العيب بالنسبه لهم اهم من ابراز الجمال

بحسبة بسيطه على طول تعرفين ان الحاجب مو ماشي على المقاييس المعتاده
أطول من المطلوب + طرفه مدبب بزياده
ليش أختاروا لها هاللوك ؟
ملامحها ناعمه جدا وتعابير الوجه تميل للبرود مافيها شقاوه واشراق
الشي الثاني جبينها كبير بزياده ولو قصت غره ح تحصل على نتيجه من 2
اما لوك مراهقه فالمتوسط
أو منظر غريب أطوار لان الغره بتكون لايقه ع الملامح لكن مو لايقه ع الشخصيه والتعابير ابدا

فكان الحل انهم يعطون مظهرها جرأه أكثر من خلال الحاجب العريض والمدبب وتحسينه صحصح نظراتها شوي ... وطول الحاجب اخذ شوي من مساحة الجبين العريض فصار بدل مايحسسك ان كمية المساحات الفارغه فالوجه كبيره ... يعكس لك الاشراق والنضاره

يعني مو شرط ان المقاييس المعتاده تكون الانسب لك لان في اعتبارات ثانيه كثير بدينا نتدرج فالتعمق فيها لحد ماتوضح لكم الصوره ...


brb







  رد مع اقتباس
قديم 2011-07-01   #7 (permalink)

افتراضي





للمره الثالثه بنقول .. انه ممكن تطبقين كل القواعد اللي توصلك لشكل الحاجب المثالي
لكن برضو مايطلع شكلك جميل مره .. أو مو الاجمل .. عادي !

ليش ؟ لأن لكل انسان شكل مختلف ممكن يكون حاجبك مناسب لشكل عينك ورسمة جبينك
لكن أنفك اللي مخرب اللوك .. او رسمة دقنك أو رسمة شفايفك ... وممكن العكس
يكون مناسب لك مره لكن عادي مافيه جاذبيه او بمعنى اصح ما ابرز فيك جمال معين

هنا بنحكي عن ..



صآحبات الأنف الجميل جداً






أنا من المغرمات بأنف ديانا كرزون
تبارك الله رائع مره رسمته ورقته ..
أنف جميل وانثوي ومافيه ديفوهات ولا زوائد مزعجه
خبيرة التجميل بذبوذ تقول لكم انو فقط فقط صاحبة الأنف الجميل
مسموح لها تثقل حواجبها وتغمقهم
بطلع شكلها جميل وجذاب جدا ...
ومحد غيرها يقدر يسوي كذا ويبقى شكله رقيق والصور بتثبت لكم
فالصوره الثانيه حاجب ديانا كمقياس صح من البداية للنهايه
( تغاضيت عن انو رفيع لان الصور قديمه )..
طالعه حلوه وناعمه بس عادي ...
مو باين فيها الجمال والرزه زي شكلها مع الحاجب الثقيل
معطي شكلها جرأه وحيويه وجمال مره

معلومه مهمه جدا ً
لاحظتها بعشرات الصور
اذا كانت رسمة منابت شعرك دائريه ( اقصد منابت شعر الراس مو الحاجب )...
حاجبك لازم يكون فيه استقامه او على زاويه شويه مو مقوس ولا حتى شي بسيط ...
اما اذا كانت منابت شعرك مستقيمه اللي هي على شكل مربع
لازم الحاجب يكون شوي فيه ميلان او تقوس وتتوازن ملامح الوجه ومايصير ممل ابدا
متى ممكن تتغاضين عن هالقاعده ؟
اذا كنتي قاصه غره .. او تفرقين شعرك من النص وماتبان منابت الشعر
او بخلاف ذلك انتوا الخسرانين




أنف منى أمرشا كمان مره حلو ومافيه عيوب ...
وفرق السما عن الأرض الحاجب الفاتح والغامق عليها لأنه يبرز جمال أنفها

وفي شي ثاني لاحظوه

من اليمين الصوره الاولى من الصف الأول
جبينها مربع ( منابت شعر الراس اقصد نابته بشكل مربع)
وحواجبها فيها ميلان ... عشان كذا صار في توازن كبير بالملامح

من اليمين الصوره الأولى والأخيره من الصف الثاني
حاجبها مستقيم .. كيف توازنت الملامح ؟ لان رسمة منابت الشعر مختفيه لان منزله شعرها وفارقته من النص
وطالعه مدوره
في توازن بملامح الوجه مرره



وئام كمان أنفها مره يجنن ماشالله ولما غمقت حاجبها برز جماله بزياااده
الصوره الاولى من الصف اللي فوق ..

شايفين طرف الحاجب مدبب ؟

طيب ايش تأثيره ؟ صغر جبينها بشكل واضح وماعاد متوازن النص الاسفل والاعلى من الوجه

وهذا الشي اللي تكلمنا قبل شوي .. اللي كان جبينها عريض والحاجب المدبب حسن المشكله

اما صورة وئام الثانيه طرف الحاجب رفيع وانيق ومناسب لها جدا ً

brb









  رد مع اقتباس
قديم 2011-07-01   #8 (permalink)

افتراضي



صاحبآت الأنف ( بتدويرة لطيفه من الأمام )

تبغين حاجب مناسب 100%


السر الأول : رسمة الحاجب لازم تكون أقرب للمفتوح ويفضل طرف مرتفع شوي
السر الثاني :
الدمار الشامل لو سويتي حواجبك من قدام مربع زي صورة منى امرشا فوق
يصير أنفك مو بس مو حلو إلا ممكن يكون محتاج عمليه كمان
لازم يكون طرف الحاجب من الزاويه الاماميه مدور او مموه الأطراف وإلا لوكك في خطر
و الصور بتثبت لكم



أشهرهم وألطفهم ميريام طرف انفها مدور بس كيوت مره
وفي رسمات حواجب تخلي صاحبته بيبي فيس مره ورسمات ثانيه تخليه يبان كبير ومو حلو

الصوره الاولى
أول خطأ :الحاجب فيه تقويسه والحاجب من هالنوع يضاعف أي مشكله فالأنف لو مدور ممكن يتحول لخشه ولو طويل بيصير اطول ولو امتداد الأنف مو مستوي بعرض زياده
ماحد يقدر يسويه إلا صاحبة أنف جميل زي وئام الدحماني اللي شفنا صورها قبل شوي بالإضافه انو اذا كان رفيع زي حاجب ميريام هنا يصير موضه مره قديمه
ثاني خطأ: منابت الشعر مدوره والحاجب مقوس = ممل ومايعطي التوازن المطلوب لتقاسيم الوجه
ثالث خطأ : الحاجب المقوس دايما يضاعف مشكلة الأنف
اذا كان مدور يصير اقرب لخشه واذا كان طويل يصير اطول
قليل مره اللي يناسبهم بالإضافه لأنو موضه قديمه مره الخطأ االرابع: خطأ لايغتفر زاوية الحاجب الأماميه أقرب للمربع وهذا اللي مخلي انفها طالع xl

الصوره الثانيه : لاحظوا التغيير في نظرتك للأنف رغم انو نفس اتجاه التصوير لكن الحاجب لما تغيرت رسمته سحب الأنف لفوق وصار لطيف مرره

الصوره الثالثه : حاجب ناجح لأن مو باين منابت الشعر ممكن تعدلين شوي فشكل الحاجب
زاوية الحاجب الأماميه مدوره

الفرق بين الصوره الثانيه والثالثه طرف الحاجب الخارجي مره مرتفع ومره نازل وتلاحظون كيف يعطي تأثير ان المنطقه مشدوده او مترهله شويه في حالة ميريام كلهم حلوين ممكن تغير بينهم
وشخصيا افضل لما يكون الشعر مرفوع او مشدود طرف الحاجب يكون لاسفل شوي واذا الشعر مفتوح او ع الوجه يكون الحاجب مرتفع شوي عشان يسوي توازن ومايبان كانو شادة حاجبك مع شعرك



أنف مدور بقوه ومع كذا

طبقت اكثر من قاعده عشان كذا شكلها طالع كيوت مره

القاعده الأولى : منابت الشعر مربع والحاجب على مقوس وسوا توازن حلو للوجه

القاعده الثانيه : جفنها العلوي منتفخ بطبيعته .. فكل مارفعت طرف الحاجب الخارجي بيبان هالعيب اكثر .. ولما نزلته اعطى احساس بنضارة البشره وامتلائها

القاعده الثالثه : طرف الحاجب الأمامي مو مربع



طرف الأنف الأمامي كثير قريب من تدويرة أنف ميريام
طالعه مره ناعمه رغم انو انفها مو كثير حلو

لأن الحاجب معدل كثير على شكله .. أهم حاجه الزاويه الأماميه مدوره مو مربعه
والرسمه اقرب للاستقامه .. وعريضه ع الموضه بشكل مرتب مره

brb











  رد مع اقتباس
إضافة رد

الكلمات الدلالية (Tags)
الحوادث

المواضيع الجديدة في عطورات ماركات وادوات تجمييل



أدوات الموضوع
انواع عرض الموضوع

الحواجب


Privacy-Policy   سياسةالخصوصية

فساتين,ازياء,لوكات المشاهير,ديكورات واثاث,طبخات وحلويات,الحياة الزوجيه,خلطات العنايه بالبشره والشعر,سوق الاقلاع


الساعة الآن 08:59 PM


Powered by vBulletin® Copyright ©2012

تصميم دكتور ويب سايت


 

RSS - XML - HTML  - sitemap - sitemap2 - sitemap3 - خريطة المواضيع - خريطة الاقسام - nasserseo1 - nasserseo2


Search Engine Friendly URLs by vBSEO 3.6.0